Русский
English
Ўзбекистон Республикаси Президенти Ш.М.Мирзиёев Ўзбекистон Республикаси Олий Мажлисига Мурожаатномасида мамлакатимизда Олий таълимнинг қамрови ва сифатини оширишга алоҳида эътибор қаратди. Шунингдек, нуфузли хорижий университетлар, илмий ва инновацион марказлар билан алоқаларни кучайтириш, улар билан кадрлар тайёрлаш бўйича ҳамкорликни янада кенгайтириш зарурлиги алоҳида таъкидланди.
Шу боис, 2021 йил 3 февраль куни Тошкент вақти билан соат 15:00 да “Эл-юрт умиди” жамғармаси ва Швейцариянинг Swiss Education Group ҳамкорлигида “Швейцарияда амалиётга йўналтирилган магистратура дастури: туризм ва меҳмондўстлик соҳасида” мавзусида вебинар бўлиб ўтди.
Swiss Education Group компаниясининг Марказий Осиё бўйича минтақавий менежери Дастан Сейтказин иштирок этди. Вебинар давомида Дастан Сейтказин SEG ўз ичига олган институт ва олий мактабларни қандай ўқув дастурлари мавжудлиги ва уларни афзал томони Таълим жараёнининг 80% амалиётга тўғри келишлиги ва талабалар профессионал меҳмонхона, рестаратор ва молиячилардан иш ўрганаши, ҳамда 1.5 йиллик халқаро тажрибага эга бўлиш имкониятини қўлга киритиши, собиқ битирувчиларнинг 98% Ritz-Carlton, Tesla, Four Seasons, Disneyland+160 компаниялари каби Глобал брендлардан иш таклифларини олганлари ҳақида батафсил маълумот бериб ўтди.
Шунингдек Swiss Education Group Four Seasons, Louis Vuitton, Cartier ёки FIFA каби компанияларда иш бошлашга имкон яратиб тажриба йиғиб ва ўзингизнинг бизнесингизни очишингиз мумкинлиги тўғрисида айтиб ўтди.
Вебинарда, Олий таълим муассасалари, “Ипак йўли” туризм халқаро университети профессор ўқитувчилари, вазирлик ва идоралар, Ўзбекистон Республикаси Туризимни ривожлантириш давлат қўмитаси вакиллари, шунингдек ўқишга қириш истагида бўлган ёшлар ҳамда барча қизиқувчилар қатнашишди.
Вебинарда қатнашиш учун 200 га яқин иштирокчилар, жумладан, вазирлик ва идораларнинг масъул ходимлари, студентлар ва уларнинг ота-оналари ҳамда барча қизиқувчилар тадбирда қатнашиш мақсадида Жамғарма интерент сайтида рўйхатдан ўтишган.
Ушбу вебинар ZOOM платформаси орқали ташкил этилди ҳамда 100 га яқин иштирокчилар, жумладан, Ўзбекистон Олий таълим муасасалари қабул жараёнларига масъул проректорлар, факультет деканлари ва бошқа ОТМ маъсул ходимлари, шунингдек, ёш профессор-ўқитувчилар, илмий тадқиқотчилар, талабалар ва Олий таълим муассасаларига кириш истагида бўлган ёшлар иштирок этишди. Шу билан бирга мазкур тадбир “Эл-юрт умиди” жамғармаси расмий Facebook канали орқали тўғридан-тўғри узатилди.
Қизиқувчилар томонидан берилган барча саволларга мутахассис ва иштирокчилар томонидан тегишли жавоблар қайтарилди. Вебинар сўнггида барча иштирокчилар ташкилотчиларга ва экспертларга жуда мазмунли ва катта фойдали тадбир учун ўз миннатдорчиликларини билдириб ўтишди.
Маълумот учун: Swiss Education Group AG - бу бешта алоҳида Швейцариянинг меҳмондўстлик мактабларини бирлаштирган тижорат компанияси: Swiss Hotel Management School, Hotel Institute Montreux, Cesar Ritz Colleges, Culinary Arts Academy Switzerland, and International Hotel and Tourism Training Institute School of Hotel Management.
Мазкур вебинарни Youtube каналимиз орқали кўришингиз мумкин: https://www.youtube.com/watch?v=d5wJbgGsArk
Жамғарма Матбуот хизмати