“Эл-юрт умиди” жамғармасига матбуот котиби тайинланди

2021 йил 7 январдаги “Эл-юрт умиди” жамғармаси директорининг қарорига асосан Содиқов Мирзиё Одилжонович “Эл-юрт умиди” жамғармаси директорининг матбуот котиби – ахборот сиёсати масалалари бўйича маслаҳатчиси лавозимига тайинланди.

Лавозимга тайинлов Ахборот ва оммавий коммуникациялар агентлиги хулосасига кўра амалга оширилди.

М.О. Содиқов Тошкент вилояти Бўка туманида туғилган. У меҳнат фаолиятини 2016 йилда Ўзбекистон Республикаси Вазирлар Маҳкамаси ҳузуридаги Прогнозлаштириш ва мақроиқтисодий тадқиқотлар институти Халқаро алоқалар ва тахририй-нашриёт бўлимида мутахассис лавозимида бошлаган. Кейинчалик мазкур Институтда Халқаро алоқалар ва тахририй-нашриёт бўлими етакчи мутахассиси ва бўлим бошлиғи лавозимларида ишлаган.

2016 йилда Мирзо Улуғбек номидаги Ўзбекистон Миллий университет Хорижий филология факультетининг бакалавр босқичини, 2018 йилда Мирзо Улуғбек номидаги Ўзбекистон Миллий университети факультетининг рус тили лингвистикаси йўналиши бўйича магистратура босқичини тамомлаган. Ҳозирги кунга қадар мазкур университетда Иқтисодиёт факультетининг Кадрлар менежменти босқичини тамомламоқда.

Эслатиб ўтамиз, 2019-2020 йй. Ўзбекистон Республикаси Президенти ҳузуридаги Давлат хизматини ривожлантириш агентлиги қошидаги    “Эл-юрт умиди” жамғармаси Халқаро алоқалар ва протокол бўлими бошлиғи в.б. бўлиб фаолият юритган. М. Содиқов ўзини асосий лавозим бурчлари билан бирга Жамғарманинг Матбуот хизматини ривожлантиришда ўз ҳиссасини кўшиб келган.

Жамғарма Матбуот хизмати