Русский
English
Ўзбекистон Республикаси Президенти Шавкат Мирзиёев ташаббуси билан сўнгги йилларда олий таълим тизимида олиб борилаётган ислоҳотларнинг бош мақсади – малакали ва замонавий билимга эга кадрлар тайёрлашда дунёнинг ривожланган давлатлари билан халқаро ҳамкорликни янада ривожлантириш, шу орқали юртимиздаги олий таълим ва илмий тадқиқот муассасалари профессор-ўқитувчилари, илмий ходимларининг хорижий университетлар, илмий тадқиқот муассасаларида илмий ва академик тажрибасини орттириши учун имконият яратиш ишларига катта аҳамият қаратилмоқда.
Қайд этилган мазкур вазифаларнинг амалий ифодаси сифатида жорий йилнинг 20 ноябрь куни Ўзбекистон Республикаси Президенти ҳузуридаги Давлат бошқарув академияси ва “Эл-юрт умиди” жамғармаси ташаббуси билан Корея Республикасида истиқомат қилаётган ватандошларимиз, Вусонг университети халқаро алоқалар бўлими ижрочи директори Искандар Юлдашев ҳамда Сежонг университети докторанти Отабек Жўраевлар иштирокида “Олий таълимда глобаллашув жараёнлари: қўшма академик дастурлар ва талабалар халқаро алмашуви тажрибаси” мавзусида вебинар ўтказилди.
Мазкур вебинарда Ўзбекистон Республикаси Президенти ҳузуридаги Давлат бошқарув академияси ва “Эл-юрт умиди” жамғармаси, Олий ва ўрта махсус таълим вазирлиги, Республика олий таълим кенгаши, Тошкент давлат иқтисодиёт университети, Тошкент давлат шарқшунослик университети, Қўқон университети ва бошқа ташкилотларда 500 нафарга яқин раҳбар ҳодимлар, профессор-ўқитувчилари, тадқиқотчилар, талабалар, шунингдек, қизиқувчилар фаол иштирок этди.
Мазкур вебинар олий таълим ташкилотлари халқаро муносабатларини, жумладан, олий таълимнинг илғор таълим стандартлари ва қўшма академик дастурлари асосида ривожлантириш, талабалар халқаро алмашувида Корея тажрибаси ва бошқа шу каби ниҳоятда долзарб бўлган масалаларга бағишланган бўлиб, унда ватандошларимиз Искандар Юлдашев ҳамда Отабек Жўраевлар бугунги кунда олий таълим ташкилотларининг халқаро ҳамкорлик муносабатларига алоҳида тўхталиб, қилиниши лозим бўлган ишлар, хорижий ҳамкорлар билан ишлашда эътибор бериладиган жиҳатлар, жумладан, қўшма диплом дастурлари, талабалар алмашуви, ҳамкорликда амалга ошириладиган лойиҳаларнинг олий таълим ташкилотларининг нуфузини оширишда бўлган аҳамиятига алоҳида тўхталиб, ўзларининг қимматли тажрибалари асосида вебинар иштирокчиларга маълумотларни билан ўртоқлашишди.
Вебинарда 200 дан ортиқ Zoom платформаси орқали Ўзбекистон давлат хизматчилари, ОТМлар ректорлари, проректорлари, деканлари, кафедралар мудирлари, профессор-ўқитувчилар ва илмий тадқиқотчилар, ҳамда барча қизиқувчи тадбир давомида иштирокчиларнинг 20 га яқин саволлари атрофида ташкил этилди.
Мазкур вебинар маҳаллий олий таълим ташкилотларининг Корея Республикаси университетлари халқаро алоқалари билан яқиндан танишиш, халқаро ҳамкорлик масаласида амалий кўникмалар ҳосил қилиш ва мазкур соҳада профессионал тажрибанинг ортишига амалий ёрдам беради, деб умид қиламиз.
Жамғарма Матбуот хизмати