Русский
English
Ўзбекистон Республикаси Президенти Шавкат Мирзиёев томонидан 2019 йил 21 октябрь куни «Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида» фармон қабул қилинди. Унга биноан 21 октябрь санаси юртимизда «Ўзбек тили байрами куни» деб белгиланди.
Бугун мамлакатимизнинг барча ҳудудларида Ўзбекистон Республикасининг “Давлат тили ҳақида”ги қонуни қабул қилинганининг 31 йиллиги ҳамда “Ўзбек тили байрами” кунини нишонлаш қизғин паллага кирмоқда. Ўзбек тили байрамига бағишланган ушбу тадбирни “Эл-юрт умиди” жамғармаси директори Адхам Бекмуродов бошлаб берди. 2020 йил 21 октябрь куни Ўзбекистон Республикасининг «Давлат тили ҳақида»ги қонуни қабул қилинганига ўттиз бир йил тўлди.
Ушбу тарихий ҳужжатга биноан, ўтган йиллар давомида она тилимиз мустаҳкам ҳуқуқий асос ва юксак мақомга эга бўлди. Бугунги кунда ўзбек тили ҳаётнинг барча соҳаларида - давлат ва жамоат бошқаруви, давлатлараро алоқалар, фан, таълим, тиббиёт, маданият ва санъат соҳаларида халқаро минбарлардан янграмоқда. Бунга исбот, тарихимисда илк бор БМТ Бош Ассамблеясининг 75-сессиясида давлатимиз рахбари ўзбек тилида нутқ сўзлаганидир.
Мазкур тадбирда, Жамғарманинг меҳмонлари Ўзбекистон ёзувчилар уюшмаси аъзолари: Дилшод Ражаб ва Тошкент давлат педагогика университети филология фанлари бўйича фалсафа доктори (PhD), доценти Тўхтаева Наргиза иштирок этдилар. Улар Она тилимизнинг қанчалар бой экани ҳақида мисоллар билан тадбир қатнашчиларига гапириб бердилар.
Мазкур тадбирда бугунги кунда она тилимизнинг жамиятдаги ўрни ва нуфузини ошириш бўйича кенг кўламли ишлар амалга оширилаётганлиги, буюк тарихга эга она тилимизга мустақил юртимизнинг давлат тили мақоми берилгани барчамизга ғурур ва ифтихор бағишлаётгани ҳамда давлат тилида иш юритиш ва унинг ўзига хос фазилатларини сақлаб қолиш бўйича “Эл-юрт умиди” жамғармаси тизимида ҳам бир қатор чора-тадбирлар амалга оширилаётгани алоҳида таъкидланди.
Жамғарма Матбуот хизмати