Onkologiya jarrohligi yoʻnalishida xalqaro stajirovka dasturi uchun qoʻshimcha tanlovning suhbat bosqichi bo‘lib o‘tdi

Joriy yilning 26-fevral kuni onkologiya jarrohligi yoʻnalishida xalqaro stajirovka dasturi uchun qoʻshimcha tanlovga hujjat topshirgan nomzodlar bilan suhbat o‘tkazildi.

Tanlov “El-yurt umidi” jamgʻarmasi tomonidan xorijiy tashkilotlar ishtirokida amalga oshiriladigan stajirovkalarni tashkil etish tartibi toʻgʻrisida Nizomga asosan Fransiyaning Oʻzbekistondagi elchixonasi bilan hamkorlikda amalga oshirilmoqda. 

Tanlov komissiyasi tomonidan o‘tkazilgan suhbat natijasiga ko‘ra, 4 nafar nomzod stajirovka dasturida ishtirok etish uchun tavsiya etildi. 

Apellyatsiya komissiyasi o‘z faoliyatini 26-fevral kunidan boshlaydi. Murojaatlar besh ish kuni — 4-mart kuni soat 18:00 ga qadar “El-yurt umidi” jamgʻarmasining apellyatsiya@eyuf.uz elektron pochta manzili orqali qabul qilinadi.